Haffuminngat
Grise Fiord, Nunavut
“Taryup Hinaagut utiqtittinahuaqtangit” upautinnaqtuq utiqtittiyakhanut ilitquhiraluangat; ihuaqhinahuaqhugu tadja qanurilinganingit; hapumminahuarluguluuniit ingattaqtailinahuariami. “Taryup Hinaagut” tukiqaqhuni humiliqaak taryurmiunit nunamiunilluuniit piliriakhat katilviuyuq ilagiyangillu.
Una Taryup Hinaagut Utiqtittinahuaqtangit Nunavunmi Havaariyakhaq maliinnaqtangit Inuit Qaujimajatuqangit nipiliuriami turaarvigiyaamilu inuuttiarnigut qanurilinganingillu haffumani imarmiuttanut uumayuit nayuqpaktangillu. Havaqatikput aullaarniaqtut tamainnut nunalingnut nunallaami ilitturiangani haffumani taryup hinaagut utiqtittinahuaqtangit piyumayainnit tamainnut avikturnianut, ikayurahuarlugillu pivallianikhainut nunalingniagut taryup hinaagut utiqtittinahuaqtangit upalungaiyaut.
Utiqtittinahuarniq Upalungaiyaut ilaliutilaaqtangit ilitquhingit ihuaqhittirahuaqtangit qilanaaqtumik akiharnaqtumik, uuminngaluuniit qauyiharnikkut kangiqhinahuarluniuk kayumiktuq aallannguqtiqhimayut qauyihaqhimayangit amihut imarmiuttat uumayuit inuuhimayut iluani ukiuqtaqtumi imangit.
Hamna hivunikhautikhangit havaariyakhanut hakugikpiaqtumik ikayuutikhaat, hivituyumik iqaluliqiniq taryungilu. Ublumimut, una havaanut havaqatigiiktut katimaqatigivlugit 11 nit Anguniaqtit Naniriaqtuqtiillu Timingat uvani 11 arlingnaqtuni nunaliit. Una havaariyangit turaarvigiyangit ukunanngat Imarmiuttanut Piliriakhanut, Dalhousie Ilinniarvigyuangat parnautigivluniuk ukunanngat Iqalungnit Nattiliqinirnullu Havagviat, Nunavut Kavamanga. Havaangit manngit ikayuqtauhimayut uvanngat Iqalungnit Taryurmiunullu Kanatami (DFO).