ᐱᔾᔪᑎᐊ

"ᓯᒡᔭᖅᐸᓯᖕᒥ ᐋᖅᑭᒃᓯᒃᑲᓐᓂᕋᓱᐊᕐᓂᖅ" ᖃᓄᐃᓕᐅᕈᑎᖃᕐᓂᐅᕗᖅ ᐅᑎᖅᑎᑦᑎᓇᓱᐊᕐᓗᓂᑦ ᖃᓄᐃᓕᖓᓂᕆᓚᐅᖅᓯᒪᔭᒥᖕᓄᑦ; ᐱᐅᓯᒋᐊᖅᓯᓂᖅ ᒫᓐᓇᐅᔪᖅ ᖃᓄᐃᓕᖓᓂᕆᔭᖓᓂᑦ; ᐸᐸᑦᑎᓂᕐᓘᓐᓃᑦ ᓱᕋᒃᑕᐅᒃᑲᓐᓂᖁᓇᒍᑦ ᓱᕋᒃᑕᐅᓛᖁᓇᒍᓪᓘᓐᓃᑦ. "ᓯᒡᔭᖅᐸᓯᖅ" ᑐᑭᖃᖅᐳᖅ ᓇᓂᑐᐃᓐᓇᖅ ᑕᕆᐅᖅ ᓄᓇᓗ ᑲᑎᙵᓂᕆᔭᖏᑦ ᐊᒃᑐᐊᓂᕆᕙᒃᑕᖏᓪᓗ.

ᓯᒡᔭᖅᐸᓯᖕᒥ ᐋᖅᑭᒃᓯᒃᑲᓐᓂᕋᓱᐊᕐᓂᖅ ᓄᓇᕗᒻᒥ ᑕᑎᖃᖅᐳᖅ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑎᑎᖅᑲᓕᐅᖅᑎᓪᓗᒋᑦ ᑲᒪᒋᔭᖃᖅᑎᓪᓗᒋᓗ ᖃᓄᐃᙱᑦᑎᐊᕐᓂᕆᔭᖓᓂ ᐊᒻᒪᓗ ᖃᓄᖅ ᐋᖅᑭᐅᒪᓂᕆᔭᖓᓂ ᑕᕆᐅᕐᒥᐅᑦ ᐊᒻᒪᓗ ᐃᓂᒋᕙᒃᑕᖏᑦ.  ᓄᓇᓕᖕᓄᐊᖅᑕᕐᓂᐊᖅᑐᒍᑦ ᓄᓇᕗᒻᒥ ᖃᐅᔨᔪᒪᓪᓗᑕ ᓯᒡᔭᖅᐸᓰᑦ ᖃᓄᖅ ᐋᖅᑭᒋᐊᒃᑲᓐᓂᕆᐊᖃᕐᒪᖔᑕ, ᐃᑲᔪᕈᒪᓪᓗᑕᓗ ᐱᕙᓪᓕᐊᑎᑦᑎᓂᕐᒥᑦ ᓄᓇᓕᖕᓂ ᐊᐅᓚᑕᐅᓗᓂ ᓯᒡᔭᖅᐸᓯᖕᒥ ᐋᖅᑭᒋᐊᖅᓯᕙᓪᓕᐊᓂᕐᒧᑦ ᐸᕐᓇᐅᑎᓕᐅᕐᓂᕐᒥᑦ.

ᐋᖅᑭᒋᐊᖅᓯᒃᑲᓐᓂᕐᓂᕐᒧᑦ ᐸᕐᓇᐅᑏᑦ ᐱᖃᓯᐅᔾᔨᔪᓐᓇᖅᐳᑦ ᐋᖅᑭᒃᓱᐃᓂᖅ ᐱᒻᒪᕆᖕᒥ ᖃᓄᐃᔾᔪᑕᐅᔪᒥᑦ, ᖃᐅᔨᓴᕐᓂᕐᓘᓐᓃ ᑐᑭᓯᓇᓱᐊᕐᓗᒍ ᖃᓄᖅ ᐊᓯᔾᔨᖅᐸᓪᓕᐊᓂᕆᔭᐅᔪᓂᑦ ᐊᒥᓱᓂᒃ ᑕᕆᐅᕐᒥᐅᑕᕐᓂᒃ ᐅᑭᐅᖅᑕᖅᑐᒥᑦ.

ᑐᕌᒐᕆᔭᐅᔪᖅ ᐱᓕᕆᐊᒃᓴᕐᒧᑦ ᖁᕝᕙᖅᐹᓪᓕᖁᓪᓗᒍᑦ ᓴᙱᓂᖓ, ᖃᓄᐃᑦᑐᑯᓘᔭᐅᓂᖓ ᐃᖃᓗᓕᕆᓂᖅ ᑕᕆᐅᕐᒥᐅᑕᓕᕆᓂᕐᓗ. ᐅᓪᓗᒥᒧ ᑎᑭᖦᖢᒍᑦ, ᐱᓕᕆᐊᒃᓴᓕᕆᔪᑦ ᐅᖃᖃᑎᖃᖅᓯᒪᔪᑦ 11−ᓂᒃ ᐊᖑᓇᓱᒃᑐᓕᕆᔨᓂᒃ 11-ᖑᔪᓂᒃ ᓄᓇᓕᖕᓂᑦ. ᐱᓕᕆᐊᒃᓴᖅ ᐃᖏᕐᕋᑎᑕᐅᕗᖅ ᑕᕆᐅᕐᒥᐅᑕᓕᕆᔨᑦ, ᑖᓪᕼᐊᐅᓯ ᓯᓚᑦᑐᖅᓴᕐᕕᔾᔪᐊᕐᒥ ᑲᑐᔾᔨᖃᑎᖃᖅᖢᑎᒃ ᐃᖃᓗᓕᕆᔩᑦ ᓇᑦᑎᓕᕆᔩᓪᓗ, ᓄᓇᕗᑦ ᒐᕙᒪᖓᓂ. ᐱᓕᕆᐊᒃᓴᕐᒧᑦ ᑮᓇᐅᔭᖃᖅᑎᑕᐅᔪᑦ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ−ᑯᓐᓂ.