ᑎᑭᕋᔪᐊᖅ
ᑎᑭᕋᕐᔪᐊᖅ ᓄᓇᒋᔭᐅᔪᖅ ᑕᓯᐅᔭᕐᔪᐊᑉ ᐱᖓᖕᓇᖓᑕ ᓯᒡᔭᖓᓃᑦᑐᖅ. ᑕᒪᓐᓇ ᖃᐅᔨᒪᔭᐅᔪᖅ ᕿᓚᓗᒐᖃᑦᑎᐊᕐᓂᖓᓄᑦ ᖃᓂᑦᑐᓃᑦᑐᓂᒃ ᐅᑭᐊᒃᓵᓕᒫᖅ. ᐃᓚᖃᖅᖢᓂ ᐃᖅᑲᓇᐃᔮᑎᒍᑦ ᑮᓇᐅᔭᓕᐅᕈᑎᓂᒃ, ᓄᓇᓖᑦᑕᐅᖅ ᐃᖕᒥᖕᓂ ᑮᓇᐅᔭᓕᐅᖃᑦᑕᖅᑐᑦ ᐊᖑᓇᓱᖕᓂᒃᑯᑦ, ᐃᖃᓗᒐᓱᖕᓂᒃᑯᑦ ᐊᒻᒪ ᒥᑭᒋᐊᖃᑦᑕᖅᓂᒃᑯᑦ. ᐱᒻᒪᕆᐊᓛᑦ ᐃᓕᖅᑯᓯᕐᒧᑦ ᐊᒻᒪ ᓂᕿᒃᓴᓄᑦ ᐅᑯᐊ ᓇᑦᑏᑦ, ᐊᐃᕖᑦ ᐊᒻᒪ ᕿᓚᓗᒐᐃᑦ. ᓄᓇᓖᑦ ᐊᖑᓇᓱᒡᕕᒋᕙᒃᑕᖏᑦ ᐊᒻᒪ ᐃᖃᓗᒐᓱᒡᕕᒋᕙᒃᑕᖏ ᑎᑭᓯᒪᔪᖅ ᒪᐅᖓ 200 ᑭᓛᒥᑕᓄᑦ ᐅᐊᖕᓇᖅᒧᑦ ᓂᒋᖅᒧᓪᓗ ᐊᒻᒪ 300 ᑭᓛᒥᑕᓂ ᐅᖓᓯᖕᓂᖃᖅᖢᓂ ᓴᓂᒧᑦ ᑲᓇᖕᓇᖓᓄᑦ ᐊᒻᒪ ᐱᖓᖕᓇᖓᓄᑦ ᐊᒻᒪ ᐃᓚᖃᖅᖢᓂ ᑎᑭᕋᕐᔪᐊᖅ, ᑲᖏᖅᖠᓂᖅ, ᑕᕙᓂ, Bibby ᕿᑭᖅᑕᖅ, ᐊᒻᒪ ᐊᕐᕕᐊᑦ.
ᖃᐅᔨᓴᖅᑎᐅᔪᑦ ᓄᓇᓕᖕᓅᓚᐅᕐᓯᒪᔪᑦ ᒫᔅᓯ 2018-ᒥᑦ. ᐱᓕᕆᖃᑎᒌᒃᑐᑦ ᐃᓚᐅᑎᑦᑎᖃᑦᑕᓚᐅᖅᑐᑦ ᑲᑎᖃᑎᒌᖕᓂᒃᑯᑦ ᐅᑯᓂᖓ ᐊᖑᓇᓱᒃᑐᓕᕆᔨᒃᑯᓐᓂᒃ, ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂᒃ, ᐃᓐᓇᑐᖃᕐᓂᖅ, ᐊᒻᒪᓗ ᐊᓯᖏᓐᓂᒃ ᐱᓇᓱᖃᑦᑕᖅᒥᔪᓂᒃ ᐊᑐᖅᑕᐅᔪᓐᓇᖅᑐᓂᒃ, ᑲᑎᖅᓱᐃᓪᓗᑎᒃ ᑕᑯᔭᐅᖃᑦᑕᕐᓯᒪᔪᓂᒃ ᓯᒡᔭᐃᑦ ᖃᓄᐃᑦᑑᓕᕐᓂᖏᓐᓂᒃ ᐊᒻᒪᓗ ᓯᒡᔭᐃᑦ ᐊᓯᙳᖅᐸᓪᓕᐊᒍᑎᖏᓐᓂᒃ. ᓄᓇᙳᐊᒦᑦᑐᑦ ᐃᓚᐅᖃᑕᐅᔪᓄᑦ ᑲᑎᑕᐅᕙᓪᓕᐊᓯᒪᔪᓂᙶᖅᑐᑦ.
ᓄᓇᓕᖕᓄᑦ ᐳᓛᖅᑎᓪᓗᑕ ᑐᐊᕕᕐᓇᖅᑐᕈᔪᖕᓂ ᓄᓇᓕᖕᓂᑦ ᐋᖅᑭᒃᓱᖅᑕᐅᔭᕆᐊᓕᖕᓂᒃ ᓇᓗᓇᐃᖅᓯᓚᐅᙱᑦᑐᑦ. ᑭᓯᐊᓂᓕ, ᒪᓕᒃᖢᑎᒃ ᐊᓯᖏᓐᓂᒃ ᖃᐅᔨᓴᕈᑎᐅᔪᓂᒃ, ᓯᒡᔭᓂ ᐱᐅᓯᕚᓪᓕᖅᑎᑦᑎᓂᖅ ᓯᕗᓪᓕᐅᑎᑕᐅᔪᑦ ᓄᓇᓕᖕᓂᑦ ᖃᐅᔨᓴᖃᑦᑕᕐᓗᑎᒃ, ᐱᓗᐊᖅᑐᒥᓐ ᓂᕐᔪᑏᑦ ᖃᓄᐃᙱᒃᑲᓗᐊᕆᐊᒃᓴᖏᓐᓂᒃ ᓂᕆᔭᐅᕙᒃᑐᑦ ᓄᓇᓕᖕᓄᑦ, ᖃᐅᔨᒪᔭᐅᔪᑐᖃᕐᓂᒃ ᐃᓚᓕᐅᔾᔨᓗᑎᒃ ᓄᓇᓕᖕᓂ ᐅᖃᓪᓚᖃᑎᖃᕐᓂᒃᑯᑦ, ᐊᒻᒪᓗ ᐃᓄᖕᓂ ᖃᐅᔨᓴᕐᓗᑎᒃ ᐊᑐᖃᑦᑕᕐᓂᖏᓐᓄᑦ ᓄᓇᓂᒃ, ᐆᒪᔪᓂᒃ, ᐃᖃᓗᒐᓱᖕᓂᕐᒥᒃ ᐊᒻᒪ ᐊᖑᓇᓱᖕᓂᖅᒥᒃ. ᓄᓇᖃᖅᑐᑦᑕᐅᖅ ᑕᑯᔪᒪᖕᒥᔪᑦ ᖃᐅᔨᔭᐅᕙᓪᓕᐊᔪᑦ ᑐᓴᐅᒪᔭᐅᖕᒥᓗᑎᒃ ᐊᒻᒪ ᐊᑐᖅᑕᐅᕙᒡᓗᑎᒃ ᐊᐅᓚᑦᑎᓂᕐᒧᑦ ᐃᓱᒪᓕᐅᕆᓂᒃᑯᑦ.
ᑎᑭᕋᕐᔪᐊᖅ ᖃᐅᔨᒋᐊᒃᑲᓐᓂᕈᒪᒍᕕᐅᒃ, ᖃᕋᓴᐅᔭᕐᓄᑦ ᐃᓕᓗᒍ ᐅᓇ ᖃᐅᔨᓴᕐᓂᖅᒧᑦ ᖃᓄᐃᓕᖓᓂᖅ.
ᐅᓇ ᓄᓇᙳᐊᖅ ᑕᑯᔪᓐᓇᕐᓂᐊᖅᖢᒍ, ᑕᑯᒋᐊᖅᑐᑦ ᐊᖏᖅᓯᒪᔪᑦ ᐊᑐᖅᑕᐅᓂᖓᓄᑦ ᒪᓕᒋᐊᓕᖕᓂᒃ.
+ ᐊᑯᓂᐅᓂᖏᑦ ᐊᑐᕐᓂᕐᒧᑦ
CRN ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᑭᐊᖅᑭᕝᕕᐅᑉ ᐊᑐᐃᓐᓇᐅᓂᖓᓂ ᑕᑯᒃᓴᐅᑎᑦᑎᕗᖅ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᖃᓕᕇᖕᓂᐅᔪᓂ ᑕᐃᑲᙵᓪᓚᕆᒃ ᐊᒻᒪ ᐱᖓᔪᖓᓐᓂ−ᐱᓕᕆᖃᑕᐅᔪᓂᙶᖅᑐᓂ. CRN ᐱᔾᔪᑎᖃᒻᒪᕆᒐᓱᒋᔭᐅᓪᓗᓂ ᐊᒃᓱᕈᕐᓂᖃᕋᓗᐊᖅᑎᓪᓗᒍ ᓇᓗᓇᐃᖅᓯᓂᕐᒥ ᑕᒻᒪᖅᓯᒪᙱᑦᑎᐊᕐᓂᖓᓂ ᑐᓴᒐᒃᓴᐅᔪᓂ, ᑕᐃᑲᙵᓪᓚᕆᒃ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᑕᑯᒃᓴᐅᑎᑕᐅᕗᑦ ᐱᔭᐅᓯᒪᓂᖏᓐᓂ ᐊᐱᖅᓱᖅᑕᐅᔪᕕᓂᕐᓂ, CRN ᑲᒪᒋᔭᖃᙱᓚᖅ ᑕᒻᒪᖅᓯᒪᓂᐅᔪᓄᑦ. ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᖃᓕᕇᖑᓂᐅᔪᑦ ᐊᓯᔾᔨᖅᑕᐅᔪᓐᓇᙱᓚᑦ, ᓅᑕᐅᔪᓐᓇᙱᓚᑦ, ᐊᑐᖅᑐᐊᖅᑎᑕᐅᔪᓐᓇᙱᓚᑦ ᐅᕝᕙᓘᓐᓃᑦ ᐊᑐᖅᑐᐊᖅᑕᐅᔪᓐᓇᙱᓚᑦ. ᓯᕗᕐᙵᒍᑦ, ᑎᑎᕋᖅᓯᒪᔪᒥ ᐱᔪᓐᓇᖅᑎᑕᐅᓂᐅᔪᓂ CRN−ᑯᓐᓂ ᐱᔭᕆᐊᖃᖅᐳᑦ ᓴᖅᑭᑎᑦᑎᓂᐅᔪᒥ, ᐃᔾᔪᐊᖅᓯᓂᕐᒥ ᐅᕝᕙᓘᓐᓃᑦ ᐊᑐᕐᓂᕐᒧᑦ ᐃᓗᓪᓕᖅᓯᒪᔪᓂ ᑐᓴᒐᒃᓴᓕᐊᖑᔪᓂ. ᖃᐅᔨᒋᐊᕐᓗᑎᑦ ᐃᓚᒋᔭᑦᑎᓐᓂ ᐱᓕᕆᖃᑎᒌᒃᑐᖁᑎᑦᑎᓐᓂ ᑐᓴᕆᐊᒃᑲᓐᓂᕈᓐᓇᖅᑐᑎᑦ.
ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᑭᒡᒐᖅᑐᐃᑐᐃᓐᓇᖅᐳᑦ ᐊᔾᔨᓕᐊᖑᔪᒥ ᖃᖓᐅᓂᖓᓂ ᐊᒻᒪ ᓄᓇᓕᖕᓂ ᐊᖏᖅᓯᒪᓂᖃᙱᓚᖅ. ᑕᐃᒪᐃᓐᓂᖓᓄᑦ, ᐅᓇ ᑕᒪᒃᑭᐅᒪᔪᒥ ᓇᐃᓴᖅᑕᐅᓯᒪᓂᖃᙱᓚᖅ ᑕᒪᒃᑭᓂ ᓯᒡᔭᖅᐸᓯᖕᓂ ᐊᑲᐅᙱᓕᐅᕈᑕᐅᔪᓂ ᐃᓗᐊᓂ ᓄᓇᕗᒻᒥ. ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐱᒋᔭᐅᕗᑦ ᓄᓇᓕᖕᓂ ᐊᒻᒪ ᐊᐱᖅᓱᖅᑕᐅᓂᑯᓂ ᑐᓂᓯᓚᐅᖅᑐᓂ ᑐᓴᒐᒃᓴᓕᐊᖑᔪᓂ ᐊᒻᒪ ᐊᑐᖅᑕᐅᔪᓐᓇᙱᓚᑦ ᑕᒪᒃᑭᐅᒪᔪᒥ ᐅᕝᕙᓘᓐᓃᑦ ᐃᓚᖓᒍᑦ ᑎᑎᕋᖅᓯᒪᓂᑎᒍᑦ ᐱᔪᓐᓇᖅᑎᑕᐅᓂᖃᕐᓗᓂ ᑭᓯᐊᓂ CRN−ᑯᓂ ᐅᕝᕙᓘᓐᓃᑦ ᒪᓕᒃᑐᒥ ᓄᓇᓕᐅᔪᒥ. ᐊᑐᕐᓂᖅ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᓇᖏᖅᓯᙱᓚᖅ ᒪᓕᒐᑎᒍᑦ ᐅᕝᕙᓘᓐᓃᑦ ᐱᔭᕆᐊᖃᕋᓱᒋᔭᐅᔪᓂ ᐱᓕᕆᐊᒃᓴᓂ ᑐᓴᐅᒪᑎᑦᑎᖃᑦᑕᐃᓐᓇᕐᓂᕐᒧᑦ. CRN ᐱᓕᕆᓲᖑᕗᑦ ᓴᐳᔾᔨᓯᒪᓂᕐᒧᑦ, ᐋᖅᑭᐅᒪᑎᑦᑎᓂᕐᒧᑦ, ᑎᑎᕋᖅᐸᓪᓕᐊᓂᕐᒧᑦ ᐊᒻᒪ ᐅᖃᐅᓯᕆᓗᒋᑦ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐱᕚᓪᓕᕈᑕᐅᓂᐊᕐᓗᑎᒃ ᓄᓇᕗᒻᒥᐅᓄᑦ.
ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᑭᐊᖅᑭᕝᕕᐅᑉ ᐊᑐᐃᓐᓇᐅᓂᖓᓂ ᐃᓗᓕᖃᖅᐳᖅ ᑲᑎᖅᓱᖅᑕᐅᓯᒪᔪᓂ ᖃᐅᔨᒪᓂᐅᔪᓂ 160−ᓂ ᐊᔾᔨᐅᙱᑦᑐᓂ ᐃᓄᑐᖃᕐᓂ, ᐊᖑᓇᓱᒃᑎᓂᑦ ᐊᒻᒪ ᐊᓯᖏᓐᓂ ᓯᒡᔭᖅᐸᓯᖕᒥ ᐃᑲᔪᕈᑎᒃᓴᓄᑦ ᐊᑐᖅᑎᐅᔪᓄᑦ. ᑕᐃᕙᕗᑦ ᑎᑎᕋᖅᑎᐅᔪᓂ “ᐅᖃᐅᔾᔨᔨᐅᔪᓂ” ᐃᓕᓴᖅᓯᓂᕐᒧᑦ ᖃᐅᔨᒪᔨᕐᔪᐊᖑᓂᖏᓐᓂ ᐱᓕᕆᐊᕆᕙᒃᑕᖏᓐᓂ, ᑕᐃᒪᓐᓇᑎᑐᑦ ᖃᐅᔨᓴᖅᑏᑦ ᑕᐃᒪᐃᒻᒪᑕ. ᐃᓕᓴᖅᓯᕗᒍᑦ ᐊᒻᒪ ᖁᔭᓕᕗᒍᑦ ᑕᒪᒃᑭᓂ ᐅᖃᐅᔾᔨᔨᐅᔪᓂ ᐃᑲᔪᕐᔪᐊᕐᓂᕆᔭᖏᓐᓂ ᐱᓕᕆᐊᒃᓴᐅᔪᒧᑦ ᐊᒻᒪᓗ ᐃᖏᕐᕋᐃᓐᓇᕐᓂᐅᔪᒥ ᐱᖅᑯᓯᑐᖃᖅᑎᒍᑦ ᐊᒻᒪ ᓄᓇᓕᖕᓂ ᖃᐅᔨᒪᓂᐅᔪᓂ ᓄᓇᕘᑉ ᐃᓗᐊᓂ.
+ ᖃᓄᖅ ᕿᒥᕐᕈᓂᕐᒧᑦ ᐆᒪᙵᑦ ᓄᓇᙳᐊᒥᒃ
ᕿᓂᕐᕕᒃ ᐊᒻᒪ ᖃᓄᐃᑉᐸᓚᐅᕐᓂᖓᓂ: ᖁᓛᓂ ᓴᐅᒥᖕᒥ ᑎᕆᖅᑯᐊᓂ ᓄᓇᙳᐊᑉ ᐃᒐᓛᖓᓂ, ᑕᑯᓂᐊᖅᐳᑎᑦ ᓇᕿᑦᑕᕆᐊᓕᖕᒥ [»]−ᒥ ᓇᓗᓇᐃᒃᑯᑕᕐᒥ. ᓇᕿᓪᓗᒍ ᓇᕿᑦᑕᕆᐊᓕᒃ, ᖃᓄᐃᑉᐸᓚᐅᕐᓂᖓ ᐊᖏᒡᓕᒋᐊᕐᓂᐊᖅᐳᖅ. ᑕᑯᓂᐊᖅᐳᑎᑦ ᑎᑎᕋᖅᓯᒪᓂᐅᔪᒥ ᓄᓇᙳᐊᑉ ᖃᓕᕇᖕᓂᐅᔪᓂᑦ, ᐊᑐᓂ ᓇᓗᓇᐃᖅᓯᕐᕕᓕᖕᒥ ᐊᒻᒪ [>]−ᒥ ᓇᕿᑦᑕᕆᐊᓕᖕᒥ. ᓇᓗᓇᐃᖅᓯᕐᕕᖓ ᐃᓕᖕᓂ ᐱᔪᓐᓇᖅᑎᑦᑎᕗᖅ ᓂᕈᐊᖅᓯᓂᕐᒥ ᐊᒻᒪ ᓂᕈᐊᕈᓐᓃᕐᓂᕐᒧᑦ ᖃᓕᕇᖕᓂᐅᔪᒥ ᑕᑯᒃᓴᐅᓂᖓᓂ. [>] ᓇᕿᑦᑕᕆᐊᓕᒃ ᐊᖏᒡᓕᒋᐊᕐᓂᐊᖅᐳᖅ ᖃᓕᕇᖑᔪᒥ ᓇᓗᓇᐃᒃᑯᑕᖓᓐᓂ. ᖃᓄᐃᑉᐸᓚᐅᕐᓂᖓᓐᓂ ᑭᓱᑐᐃᓐᓇᐃᑦ ᓯᐊᕐᓇᐅᓂᐅᔪᑦ ᐱᔭᕆᐊᖃᖅᑎᑦᑎᕗᖅ ᐊᖏᒡᓕᒋᐊᖅᑎᑦᑎᓂᕐᒥ ᓴᖅᑭᑦᑐᓐᓇᕐᓂᕐᒧᑦ. ᖃᖓᑦᑕᖅᑎᑕᐅᓯᒪᔪᓂ ᑕᑯᒃᓴᐅᓂᐅᔪᑦ ᖃᓕᕇᖕᓂᐅᔪᓂ ᖃᓕᕇᖕᓂᑐᐊᖑᕗᖅ ᓂᕈᐊᖅᑕᐅᓯᒪᙱᑦᑐᒥ ᖃᕋᓴᐅᔭᑎᒍᑦ ᓂᕈᐊᖅᑕᐅᓯᒪᕙᒌᕐᓂᐅᔪᒥ. ᓂᕈᐊᕐᓗᒍ ᓇᓗᓇᐃᖅᓯᕐᕕᖓᓂ ᐱᔪᓐᓇᖅᑎᑦᑎᓂᕐᒧᑦ ᖃᖓᑦᑕᖅᑎᑕᐅᓯᒪᔪᓂ ᑕᑯᒃᓴᐅᓂᐅᔪᑦ ᖃᓕᕇᖕᓂᐅᔪᓂ. ᐃᔨᖅᓯᓂᕐᒧᑦ ᖃᓄᐃᑉᐸᓚᐅᕐᓂᖓ, ᓇᕿᓪᓗᒍ [«] ᓇᕿᑦᑕᕆᐊᓕᖓ ᖁᓛᓂ ᑕᓕᖅᐱᖕᒥ ᑎᕆᖅᑯᐊᓂ ᖃᓄᐃᑉᐸᓚᐅᕐᓂᖓᑕ ᐃᒐᓛᖓᓂ.
ᓇᓗᓇᐃᒃᑯᑕᐃᑦ: ᖁᓛᓂ ᓴᐅᒥᖕᒥ ᑎᕆᖅᑯᐊᓂ ᓄᓇᙳᐊᑉ ᐃᒐᓛᖓᓂ, ᓇᓂᓯᓂᐊᖅᐳᑎᑦ ᑲᑎᙵᓂᐅᔪᓂ ᐱᖓᓱᓂ ᓇᕿᑦᑕᕆᐊᓕᖕᓂ: ᐊᖏᒡᓕᒋᐊᖅᑎᓪᓗᒍ [+]−ᒥ, ᐊᖏᕐᕋᒧᑦ [ ], ᐊᒻᒪ ᒥᒃᖠᒋᐊᕐᓗᒍ [-]. ᐊᖏᒡᓕᒋᐊᕈᑎ ᐊᒻᒪ ᒥᒃᓕᖠᒋᐊᕈᑎ ᓇᕿᑦᑕᕆᐊᓕᖏᑦ ᐊᓯᔾᔩᓂᐊᖅᐳᖅ ᐊᖏᓂᖓᓂ ᓄᓇᙳᐊᒥ ᑕᑯᒃᓴᐅᓂᖓᓂ, ᑕᐃᒫᒡᓕ ᐊᖏᕐᕋᒧᑦ ᓇᕿᑦᑕᕆᐊᓕᖓ ᐋᖅᑭᒋᐊᖅᓯᒃᑲᓐᓂᕐᓂᐊᖅᐳᖅ ᓄᓇᙳᐊᑉ ᐊᖏᓂᖓᓂ. ᒪᕐᕈᐃᕐᓗᒍ−ᓇᕿᑦᑎᓂᕐᒥ ᐃᓂᐅᔪᒥ ᓄᓇᙳᐊᒥ ᐊᖏᒡᓕᒋᐊᖅᑎᑦᑎᓂᐊᖅᐳᖅ ᑕᐃᑯᖓ ᐃᓂᖓᓄᑦ. ᕿᒥᕐᕈᓇᕐᓂᕐᒧᑦ ᑕᑯᒃᓴᐅᓂᐅᔪᓂ, ᑎᒍᓗᒍ−ᐊᒻᒪ−ᐅᓂᐊᕐᓗᒍ (ᓇᕿᓪᓗᒍ−ᐊᒻᒪ−ᕿᒥᕐᕈᓗᒍ) ᒪᐅᔅᓂᒃ ᐅᕝᕙᓘᓐᓃᑦᐊᒃᑐᕆᐊᓕᒃ ᐊᐅᓚᔾᔪᑎᖓᓂ ᐱᓕᕆᔾᔪᑎᖓᓐᓂ ᓄᓇᙳᐊᒃᑯᑦ.
ᓴᖅᑭᕝᕕᐅᓲᖅ ᐃᒐᓛᖅ: ᐃᓚᖏᑦ ᑕᑯᒃᓴᐅᓂᐅᔪᑦ ᓄᓇᙳᐊᑉ ᐃᓗᐊᓂ ᐱᓕᕆᖃᑎᒡᒋᒍᓐᓇᖅᐳᑦ. ᓇᕿᑦᑎᒍᕕᑦ ᑕᑯᒃᓴᐅᓂᐅᔪᒥ (ᐊᐃᑳᓐ), ᓴᖅᑭᕝᕕᐅᓲᖅ ᐃᒐᓛᕐᒥ ᐃᓕᖕᓂ ᑕᑯᑎᑦᑎᓂᐊᖅᐳᖅ ᑐᓴᐅᒪᔪᑎᒃᓴᓂᑦ ᐱᔾᔪᑎᖃᖅᑐᒧᑦ ᑕᐃᔅᓱᒧᖓ ᑕᑯᒃᓴᐅᓂᐅᔪᒥ.
ᕿᒥᕐᕈᓗᒋᑦ ᓄᓇᓖᑦ: ᓄᓇᙳᐊᑉ ᐊᑖᓂ ᑲᓱᕐᕕᐅᕗᑦ ᐊᑐᓂ ᓄᓇᓕᖕᓄᑦ. ᓄᓇᓖᑦ ᑲᑎᙵᓂᖃᖅᐳᑦ ᐊᓪᓚᕝᕕᓕᕆᓂᕐᓄᑦ ᐊᕕᒃᓯᒪᓂᐅᔪᓄᑦ. ᓇᕿᓪᓗᒍ [+] ᓇᕿᑦᑕᕆᐊᓕᖕᒥ ᐊᑐᓂ ᐊᕕᒃᑐᖅᓯᒪᓂᐅᔪᓂ, ᓄᓇᓕᐅᑉ ᐊᑎᖏᑦ ᓴᖅᑭᓐᓂᐊᖅᐳᑦ. ᓇᓗᓇᐃᕈᑦ: ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᓚᖏᓐᓄᑦ ᓄᓇᓕᖕᓄᑦ ᒫᓐᓇᐅᔪᒥ ᐊᑐᐃᓐᓇᙱᓚᑦ.
